 |
Maafisa shirika la Uingereza la kupambana na matumizi ya dawa za kutitimua misuli, UKAD, wametembelea makao makuu ya uendeshaji baiskeli Uingereza kama sehemu ya uchunguzi dhidi ya tuhuma za makosa katika mchezo huo.
Maafisa wawili wametembelea kituo hicho cha mchezo wa uendeshaji baiskeli Manchester Ijumaa, huku ripoti zikisema wachunguzi 'wamelenga' kituo hicho.
Ukad limesema mkutano huo umepangwa kwa ushirikiano kamili wa taasisi hiyo ya uendeshaji baiskeli.
Aliyekuwa mwendesha baiskeli wa timu ya Sky Jonathan Tiernan-Locke amesema wiki hii dawa ya kupnguza maumivu ya Tramadol "ilitolewa bure" mnamo 2012.
Tiernan-Locke ameiambia BBC kuwa dawa hiyo inayozusha mzozo ilipatikana katika mashindnao ya ubingwa ya Road World Championships miaka minne iliyopita.
Taasisi ya kitaifa ya mchezo huo Uingereza imetoa tuhuma hizo dhidiya afisa wa afya aliyekuwepo doctor Richard Freeman, kwa niaba ya BBC. Amekana tuhuma hizo.
|
Wakati huo huo inafahamika kuwa, Ukad pia linachunguza tuhuma katika jarida la Daily Mail Uingereza kuwa kifurushi cha dawa kiliwasilishwa kwa timu ya Sky na kocha mmoja wa Uingereza nchini Ufaransa 2011.
Inadaiwa kuwa kifurushi hicho kiliwasilishwa Juni 12, 2011, siku ambapo Muingereza Sir Bradley Wiggins alishinda mashindano ya Criterium du Dauphine huko La Toussuire.
Timu Sky imesema imefanya kaguzi wa ndani na ina imani kuwa "hakuna makosa yaliofanywa".
"tumewasiliana na taasisi ya kitaifa ya uendehsaji baiskeli nchini kuhusu tuhuma hizo na tumeiomba iwasiliane na Ukad, ambalo litaendelea kushauriana nayo," imesema timu Sky.
Msemaji wa Ukad amesema: "shirika la kupambana na matumizi ya madawa ya kutitimua misuli Uingireza inachunguza tuhuma za makosa katika uendeshaji baiskeli. Katika kulinda hadhi ya uchunguzi hatuto toa kauli ya ziada."
ConversionConversion EmoticonEmoticon