 |
Serikali ya Mapinduzi
ya Zanzibar kupitia Wizara ya Afya imesema itahakikisha inaondowa tatizo la
ukosefu wa dawa katika hospitali zote zilizopo kwa lengo la kurahisisha huduma
hiyo kwa wananchi wanaofuata matibabu.
Mkurugenzi wa Bohari kuu ya dawa Zanzibar Zahran Ali Hamada amesema Serikali
tayari imeidhinisha shilingi bilioni 1.6 kwa ajili ya kununulia dawa na
na kusambaza mahospitalini.
Hata
hivyo amesema katika mwaka wa fedha 2016/17 Serikali imetenga shilingi bilioni
tano kwa ajili ya kununulia dawa ambazo zinakidhi mahitaji ya wananchi
katika kuendeleza azma ya Serikali ya kutoa huduma za afya kwa wananchi bila
malipo.
Aidha
amesema wizara itaandaa utaratibu wa kufuatilia matumizi ya dawa hizo ili
kuhakikisha zinawafikia wananchi kwa wakati bila kupata usumbufu unaojitokeza.
Kwa
upande wake Daktari Msaidizi wa Hospitali ya Makunduchi Dkt. Asha Salum
Hassan amesema hali ya dawa hivi sasa inaridhisha na dawa nyingi muhimu
zinapatikana isipokuwa dawa za maumivu na Anti biotic zinatumika kwa wingi
hospitalini hapo.
 |
ConversionConversion EmoticonEmoticon