 |
MKALI wa Muziki kutoka Kenya, Fredrick Mutinda ‘Brown Mauzo’ ameweka wazi kuwa kabla ya kutoka kimuziki Wakenya wengi walikuwa wakimuona na kumsikia tofauti na kudhani huenda ni Mtanzania.
Akizungumza na Global TV Online kupitia kipindi cha Mtu Kati, Brown Mauzo anayetikisa kwa sasa na Ngoma ya Nitulize alioshirikiana na Ali Kiba pia alizima tetesi zilizokuwa zikizagaa kuwa alikuwa na bifu na Ali Kiba kisa kikiwa ni kumgomea kufanya naye kolabo.
“Hizo maneno ndiyo kwanza nazisikia huku TZ, Kiba ninavyomjua ni mtu poa sana. Uongozi wangu na wake ulikutana na kufanya naye mazungumzo ya kolabo akakubali na kusema kuwa nina kipaji kikubwa sana,” alisema Brown Mauzo.
Brown Mauzo ambaye awali alikuwa akiishi Mombasa kwa sasa amehamishia makazi yake jijini Nairobi. Aliwahi kufanya kolabo Bongo na mastaa kibao wakiwemo, Rich Mavoko na Bob Junior.
|
ConversionConversion EmoticonEmoticon